Bouvine et Traditions
Bouvino e Tradicioun
 

Calendrier

« décembre 2019 »
L M M J V S D
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
 

 

Accueil du site > Art & Culture > Chansons > CANSOUN GARDIANO

CANSOUN GARDIANO

mardi 3 mars 2015, par Salva

Sus l’èr : “Au Tèms di cerieso” Le temps des cerises

“Un pau assóuvagi”

Paroles écrites par Jóusè d’Arbaud

Quand lou souleias rabino la plano,
Que sus lis estang danson li belu
À ras dis engano,
Urous quau, bloucant sa sello gardiano,
S’en vai libre e soul sout lou grand cèu blu ;
Quand lou souleias rabino la plano,
Urous quau s’envai sout lou grand cèu blu .

Mai quouro, à l’errour, lou larg se rouviho,
Que sus mar lou jour se vèi davala
Darrié la mountiho,
Quand vers la palun la mounturo endiho,
Urous quau, gardian, vai s’encabana ;
Mai quouro, à l’errour, lou larg se rouviho,
Urous quau, gardian, vai s’encabana.

Aro qu’an tourna li tèms d’abrivado,
Buten nòsti biòu sus li calada,
En revoulunado ;
Au noum dóu païs e de la manado,
Mantenen, gardian, noste vièi coumbat ;
Aro qu’an tourna li tèms d’abrivado,
Mantenen, gardian, noste vièi coumbat.

Compagnoun, d’aut, d’aut, e parte à grand erre,
Entaiolo-te, sello toun chivau,
Que te vènon querre ;
Plego toun seden, aganto toun ferre,
Pèr la tradicioun fau douna l’assaut ;
Coumpagnoun, d’aut, d’aut, e parte à grand erre,
Pèr la tradicioun fau douna l’assaut.

Mi fraire gardian, sian qu’uno pougnado,
Mai sauvan la terro e l’us naciounau
De la mau-parado ;
E belèu qu’un jour, la Raço aubourado,
Boumbira, deliéuro, à noste signau ;
Mi fraire gardian, sian qu’uno pougnado,
Mai sauven la terro e faguen signau !

Répondre à cet article