Moussu lou Conse, Moussu lou Counseié generau, moussu lou deputa, messiès li president, messiès li manadié, gardian, gènto Reino, gènti damisello, midamo, midamisello, messiès, cars ami,

Fai un an d’acò qu’avèn estingança la charto sus li vèsti di gardian. De segur, mau-grat d’esfort, la charto es toujour pas bèn respetado.

Demande, un cop de mai, à vous ourganisaire, municipe, clube taurin, e à vautri li cavalié de viha à soun respet fin de douna l’eisemple di valour nostre que nous devèn de desfendre emé fierta. Es bèn triste de vèire toujour li meme cavalié se presenta sènso martegalo, sènso couiero vo em’un tapo-mousco. Pensas-vous qu’avèn lou dre de desnatura un tau bèu arnascamen !

Moussu Andriéu Rouquairol, qu’es esta 65 an sòci de la Nacioun Gardiano disié : « Plus encore que le paysage, c’est l’esprit qui a changé. Il y a trop de choses que l’on laisse aller. Avant, la tradition c’était notre vie au quotidien, maintenant on essaie de sauver ce qui peut l’être. On assiste à une prolifération d’élevages, mais sans avoir conscience que de s’occuper des bêtes est un métier qui demande un très long apprentissage ».

Aro se parlo de la « boumbo » di cavalié. Se dis, dins l’encountrado que d’ùni travaion sus uno boumbo mesclado au capèu. Aquelo Europo voudrié nous mena pèr lou bout dóu nas mai vous asseguro que nous laissarèn pas faire.

En 1921 lou Marqués pèr la « Levée des Tridents » disié : « li biòu soun la darriero ciéutadello noun entamenado de nòsti liberta miejournalo. » : « les taureaux sont la dernière citadelle non altérée de notre liberté méridionale ».

Prenès eisèmple sus la grando damo, que tout de long de sa vido s’es devoudado i gràndi causo, sènso desóublida vost’atrencamen de travai vo de parado, l’arnascamen de voste paramen e bèn cala dins vosto sello gardiano sarès ansin lou vertadié simbèu de voste païs.

Bono-di, la charto respetado, bono journado en tóuti.

Gui CHAPTAL,

Capitàni de la Nacioun Gardiano