Bouvine et Traditions
Bouvino e Tradicioun
 

Calendrier

« janvier 2021 »
L M M J V S D
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
 

 

Accueil du site > Notre Patrimoine > Nos Origines -Racines > Les Traditions > Journée Fanfonne Guillierme - Aimargues > 4. Journée des traditions : Fanfonne Guillierme 2005

4. Journée des traditions : Fanfonne Guillierme 2005

Discours de Mr Laurent Ayme

dimanche 26 février 2012, par Magali

Le 6 mars 2005, La ville d’Aimargues rendait hommage à sa grande Dame, Fanfonne Guillierme. En marge des discours officiels, Maître Laurent Ayme nous a offert un vibrant hommage à Melle Fanfonne et à André Dupuis, regretté Capitaine de la Nacioun Gardiano.

Voici donc ici retranscrit, l’hommage d’un félibre...
Que dis-je d’un félibre...
Ses titres sont plus qu’évocateurs : Pastouralié, Mèstre d’Obro dou Felibrige, Decan di Counsèu de la Counfrarié di Gardian e de la Nacioun Gardiano, Priéu, Decan et archivisto de la Counfrarié di Sànti Mario de la Mar, Direitour artisti dóu Group Artisti d’Eiguiero, presidènt di Troubadour de Prouvènço, Mèmbre dóu Counsèu d’amenistracioun de l’associacioun de Camarguen, escrivan Provençau, Cantaire.

Laissez vous porter par ce texte aussi vibrant qu’émouvant. Merci Maître de cette leçon.

Lou siès de Mars de l’an de Gràci 2005 à Aimargo

Óumage à Dono Fanfonno Guillierme e au regreta Capitàni Andriéu Dupuis.


Moussu lou Deputa de l’encountrado
Moussu lou Counseié Generau de la Cantounado
Moussu lou Conse Primadié e soun Counsèu
Midamo e Messiès, Il felen descendènt de la famiho Guilllerme
Majesta Rèino d’Arle e si Damisello d’Ounour
Messiès li mèmbre dóu Burèu de la Nacioun Gardiano e sis Assessour
Gènto Dono, Poulidi Damisello, Bràvi Coumpan de Prouvènço e dóu Lengadò
E vautre Prouvençalo e Mirèio, e Fièr Cavalié Gardian.

1989 e 2004, dos dato qu’an marca d’un vèu negro la grando famiho de la Bouvino e de la Roussatino.
En 1989, Fanfonno, la Grando Damo de Camargo, s’es esvalido dins lou revoulun de la majestouso abrivado celesto que meno, tout dre au Paradis dis afouga di biòu. Tambèn qu’en 2004, avèn acoumpagna au Campo Santo de Bouillargo, noste regreta Capitàni de la Nacioun Gardiano Andriéu Dupuis : dous persounage emblematico de Prouvènço e dóu Lengadò.
En aquéu jour dóu sièis mars 2005, voudrian lis assoucia ensèn à l’óumage que ié soun rendu pèr tout ço qu’an fa, si vido durant, pèr la mantenènço di Tradicioun, la Glòri dóu terraire e l’aparamen de la Lengo Nostro. Voudriéu en proumié, espremi en quàuqui mot, touto l’Amiracioun e l’Amour que tout lou pople de Lengadò e de Prouvènço, porto à Madamisello Fanfonno, Grando Damo de Camargo ! Mau grat lis an, es toujour presènto au mitan de la Bouvino e, tout aro, la reveiren souto soun grand capèu negre legendaire, mena l’Abrivado à la testo de si gardian. Jamai noun poudren oublida emé quente courage e quente fe, a enaussa sa manado jusqu’i cimo de la Renoumado.
Après sa desseparacioun emé Jan Grand, a coumença em’uno pichoto escarrado de bèsti de raço, e emé l’ajudo de Reinié Chabaud, un baile de mestié, e d’ome de trio coume Jaume e Armand Espelly, a engimbra uno manado di mai requisto. Es à l’ouro d’aro, souto l’aflat de Crestian Espelly, tèn li tèsto d’afïcho di plus grandis areno de Prouvènço e dóu Lengadò, emé de coucardié que soun esta elegi « Biòu d’Or ».
Deja soun noum es escrincela sus quàuqui paramen de carriero de nòsti vilage e soun estatut flouris sus li plaço coume lou simbèu d’un mestié de glòri. Es encartado a jamai dins la dinastio di grands ome, si davancié de trio, coume lou Marqués Folco de Baroncelli, Jóusè dArbaud, Fernand Granon, De Montaut Manse, Reynaud, Yonnet, Blatière, Lescot e àutri, que l’an toujour recouneigudo coume l’un di siéu !
E, mau grat sa moudestio, es d’aquéu titre qu’a tira sa fierta.
Eici, sus aquesto plaço d’Aimargo, es encò d’elo, à dous pas de Praviel, mounte a passa li plus bellis ouro de sa vido, en menènt emé Fe e Courage, lou dur mestié de manadiero gardian qu’avié chausi. A toujour sachu se faire ama e respeta de tóuti aquéli que l’an couneigudo e sa memòri es encaro bèn vivento dins li cor de tout lou pople de la Bouvino.
Es d’aquéu biais, qu’en seguissènt lou Marqués de Baroncelli, Misè Fanfonno a rescountra lou jouine Andriéu Dupuis que venié mounta en Amatour, emé sa vesino de Bouillargo Ida Coste. D’aqui a espeli uno grando amista, courounado pèr la grando amiracioun reciproco qu’a dura touto la vido de l’un e de l’autre.

La trevanço de gènt de qualita que vivien dins li piado dòu Marqués, a de segur enfluencla lou jouine Amatour e l’a endraia sus lou camin de la Mantenènço di Tradicioun de Bouvino e de la Lengo Maire jusque dins la Chourmo di cavalié de la Nacioun Gardiano. Si grandi qualita d’ome de bèn, d’ounour e de sabé, l’an subrant fa adóuta pèr si counfraire e subre tout pèr lou Capitàni Enri Aubanel que l’a apela pèr l’assista quouro aclapa pèr li deco e lis auvàri de touto meno : noun poudié plus assegura soun pres fa.

Recouneigu pèr si par dóu Felibrige, Andriéu Dupuis es esta elegi Majourau e designa pèr si counfraire cavalié, coume lou Capitàni de la Nacioun Gardiano. Soun role à la tèsto d’aquelo legioun de glòri e de devé, es esta marca d’uno pèiro blanco que restara escrincela au Tablèu d’Ounour de la Nacioun Gardiano e sa despartido n’a leissa que de regrèt !

Es la resoun pèr dequé vuei, vole assoucia dins un meme óumage, Dono Fanfonno Guillierme, la Grando Damo de Camargo e Andriéu Dupuis, Capitàni de trio de la Nacloun Gardiano ! Avèn coustume de dire que sus aquesto terro, res es irramplaçable, es belèu verai ! Mai tambèn noun poudèn nous empacha de regreta de persounage de talo qualita, qu’an marca soun epoco ! Mai devèn garda fisanço. De segur, que dins li nouvello generacioun se trobe de femo e d’ome que poussedon li qualita requisto pèr segui li piado de si prestigious davancié e faire ounour à si memòri !

D’amount dis Aliscamp di Gènt de Bouvino e di Mantenèire de nòsti Tradicioun e de nosto lengo maire, Misé Fanfonno Guillierme e Andriéu Dupuis, man dins la man, an de segur ausi nosto suplico e an larga si gràci dins lou cor d’aquéli qu’an chausi pèr enaussa bèn aut, lou drapèu de la Nacioun Gardiano.

Pople de Prouvènço e dóu Lengadò, se voulès ounoura la memòri de nòsti grand despareigu, vous fau resta fidèu à vòsti Tradicioun e à vostro lengo maire.

E à vous, gardian e chivalié, vous cride de tout moun cor, Ferri Aut ! Que pèr vous moustra digne de vòsti glourious davancié e èstre Il simbèu de la Fe e dóu Courage, fau vous « abéura de Sang de Biòu »

L.A.

Aimargo lou sièis de mars 2005

Merci Maître

Répondre à cet article