Bello dins lou soulèu, lis Islo rouvihavon
N’en fuguère esmougu, e mis iue espanta
Lou clar s’esvalissié e li nivo mountavon
Buta pèr lou vent-larg, escoubaire afouga
Souto lou cèu d’iver, la naturo palis
Li bióu soun arriba dous cop dins la journado
Courrejau salinié, vertadié paradis,
Fas canta la planuro ounte rison li fado.
En tèsto dóu cabau mena pèr li gardian
Pèire bèn casqueta, sus un chivau de raço
Crido lou biais d’ana, tiro toujour davans
E lou sóu camarguen embugara li traço.
Après lou travaia, lis ome cavalié,
S’agrouparan ensèn à loumbro de la paio
Li chivau recata, Jaume lou manadié,
Sounara lis enfant alarga sus la draio.

Publié le
6 février 2015 par
Messages
1. Matinado is Isclo, 9 février 2015, 11:29, par Liberté
Osco à Roubert FAURE per aquest pouèmo qu’encigalo, dédica à Pèire BESSAC lou manadié e gramaçi à Bernard per l’agué chaùsi.
Esperen que Jaume, lou tountoun BLATIERE que manèjo la lengo d’un boun biais autant que li biou nous adugue soun avejaire.
Liberté